Urner Haute Route, 7 - 11 d'avrel 2021

Lucas, Maurus, Sandro, Dominic, Colette, Flavia, Ronny, Susanna, Paul

La haute route digl Uri ei la traversada dallas alps naven d'Ursera entochen ad Engelberg duront 5 dis. La gruppa dumbrava 9 persunas cun il guid Paul Degonda. Duas jamnas avon ha in'autra gruppa digl CAS Piz Terri fatg la madema tura cun Paul. Uonn ei quella tura stada fetg tschercada.Las prognosas eran avon nossa partenza buc gest empermettentas. Ad Ursera ei la gruppa dalla Surselva sentupada cun la gruppa ch'ei vegnida da Turitg.Il tschancun che nus essan i di per di ei staus fetg vasts; bialas cuntradas, teis culoirs ed imposants pézs:

1. di: Realp - Tiefenbach - Schafberg

2. di: Tiefenbach - Albertheim Hütte - Lochberg - Göscheneralp

3. di: Berghotel Gwüest Göscheneralp - Schijenstock - Voralphütte

4. di: Voralphütte - Sustenhorn - Steingletscher

5. di: Steingletscher - Fünffingerstock - Meiental

Muort l'aura vein nus midau empau il plan - tut tenor cundiziuns e nebla ston ins esser flexibels e dinamics .Tut priu ha S. Pieder manegiau bein cun nus. L'aura era per part meglier che communicada. Nus vein quasi adina giu buna vesida aschia ch'ins ha viu nos bials carauns en la neiv frestga. Nus vein passentau legras seras cun buna tschaveras, interessants discuors e cun dar UNO. Tgi che saveva avon la haute route aunc buc romontsch - sa sin il pli tard suenter quels dis che nus eran sin tura.

In cordial engraziament a nies guid Paul per aver accumpignau nus.